Թափոնների քանակի կրճատման ու դրանց վերօգտագործման լավագույն միջոցներից մեկը կոմպոսի պատրաստումն է: Կեսաքայքայվող նյութերը կարելի է վերամշակել կոմպոստի` արժեքավոր օրգանական պարապտանյութերի : Կոմպոստ կարելի է վերապատրաստել ինչպես տնային այնպես էլ քաղաքային մասշտաբի կոմպոստ արտադրող մեծ գործարաններում:
Monthly Archives: Февраль 2015
Հայրիվանք… Տրնդեզ… Ձյուն
Այսօր, փետրվարի 14-ին, Նոր դպրոցի և Գեղարվեստի կրտսեր դպրոցի 4-5-րդ դասարանցիների փոքրիկ խմբով արշավեցինք դեպի Հայրիվանք` Տրնդեզ տոնելու: Հիանալի ձյունոտ ու տաք եղանակ, հայրիվանցիների ջերմ ընդունելություն, կրակ վառեցինք, տոնեցինք, վառարանի կողքին չորացանք ու լավ տրամադրությամբ վերադարձանք տուն: Читать далее
Պապ թագավոր
Արշակ II-ի փոխարեն Հայոց թագավոր է դառնում նրա որդին՝ Պապը (370-374 թթ.): Գահ բարձրանալուց անմիջապես հետո Պապ թագավորը ձեռնամուխ է լինում երկրի անկախության ամրապնդմանը: Դրան մեծ չափով նպաստում է Բագրևանդ գավառի Ձիրավ գյուղի մերձակա դաշտում տեղի ունեցած ճակատամարտում պարսից զորքերի դեմ տարած փայլուն հաղթանակը: Շապուհ II-ը ստիպված էր հաշտության պայմանագիր կնքել և ճանաչել Մեծ Հայքի անկախությունն ու Պապի գահակալությունը:
Տրդատ III Մեծ, Արշակ II
Տրդատ III Մեծ -Տրդատ I-ի նշանավոր հաջորդներից էր Տրդատ III Մեծը:
Արշակունյաց արքայազն Տրդատը՝ ապագա Տրդատ III Մեծը, մանուկ հասակից մեծանում ու դաստիարակություն է ստանում Հռոմում: Այստեղ նա ռազմական արվեստ է սովորում, հմտանում զենքի գործածության մեջ: Ֆիզիկական մեծ ուժով ու ճարպկությամբ օժտված Տրդատը հաճախ էր մասնակցում կրկեսային մրցումների և միշտ հաղթանակով ավարտում դրանք: Տրդատը նաև քաջ ռազմիկ էր ու խիզախ պատերազմող:
ԱՖՐԻԿԱ
Մեծությամբ 2-րդ աշխարհամասն է: Նրա ազգաբնակչությունը կազմում են հարյուրավոր բնիկ ցեղեր՝ իրենց բազմազան մշակույթներով։ Աֆրիկան ամենատաք մայրցամաքն է, որտեղ 53 պետություն կա։ Այստեղ է գտնվում աշխարհի ամենամեծ անապատը՝ Սահարան, և ամենաերկար գետը՝ Նեղոսը:
Մայրցամաքներ և օվկիանոսներ
Նայելով գլոբուսին կամ կիսագնդերի քարտեզին՝ մենք տեսնում ենք, որ դրանց մեծ մասը ներկված է կապույտ գույնով: Դա Երկրի ջրային տարածքն է, որը բաղկացած է օվկիանոսներից և ծովերից: Օվկիանոսները Երկրի մակերևույթի՝ ջրով լցված հսկայական գորգերն են: Դրանք չորսն են՝ Խաղաղ, Ատլանտյան, Հնդկական և Հյուսիսային Սառուցյալ օվկիանոսները: Ամենամեծը Խաղաղ օվկիանոսն է: Այդպես է անվանել ծովագնաց Ֆ. Մագելանը՝ առաջին եվրոպացին, որը կտրել անցել է Խաղաղ օվկիանոսը: Խաղաղ օվկիանոսը նաև ամենախորն է:
ԱՐՇԱԿՈՒՆԻՆԵՐ․ Տրդատ I
Արտաշեսյաններից հետո Հայաստանը կառավարող հաջորդ արքայատոհմը Արշակունիներն էին:
Արշակունյաց արքայատոհմը շատ նշանավոր թագավորներ է տվել. Տրդատ I,Վաղարշակ, Տրդատ Մեծ, Արշակ, Պապ,Վռամշապուհ և ուրիշներ: Ժողովուրդը նրանց մասին բազմաթիվ զրույցներ ու առասպելական պատմություններ է ստեղծել: Նրանց հերոսական գործերը չեն մոռացվել հետագա սերունդների կողմից:
Տիգրան Մեծ (ք․ա 95-55թթ)
Գահակալությունը. Ք. ա. 95 թվական
Մահացել էր Հայոց արքան: Արքայազն Տիգրանը պատանդության մեջ էր Պարթևստանում: Ինչպես ձեզ հայտնի է, Հայկական լեռնաշխարհից հարավ-արևելք տարածվում է Իրանական բարձրավանդակը: Այստեղ էլ ձևավորվել ու հզորացել էր Պարթևական պետությունը: Մյուս կողմից, արևմուտքում հզորացել էր Հռոմեական հանրապետությունը: Ք. ա. առաջին դարի սկզբներին Հայաստանի համար բավականին վտանգավոր իրավիճակ էր ստեղծվել. Հռոմն ու Պարթևստանը դաշինք էին կնքել և մտադրություն ունեին թուլացնել Հայաստանը, այն դարձնել իրենցից կախված թույլ մի երկիր:
Արտաշեսյաններ
Արտաշեսն ու Տիգրանը հայ ժողովրդի սիրելի արքաներն են, նրա պաշտելի հերոսները:
Նրանց համար ամենակարևորը հայրենիքի հզորացումն ու բարգավաճումն էր: Հայոց քաջարի արքաների մասին ստեղծված զրույցները, ավանդապատումները, առասպելները հարյուրամյակներ են ապրել ու գրի առնվել մեր պատմիչների կողմից: