Մենք ենք, մեր բերդերը կամ 30-ամյակ` 30 ամրոց

«Սեբաստացու օրեր. կրթահամալիրի տոն» ստուգատեսը կրթահամալիրի ուսումնական օրացույցով նախատեսվում է նոյեմբերին՝ սկսած 2009 թվականից։
2019 թվական. հեղինակային մանկավարժության 30 տարի…

Կրթահամալիրի 30-ամյակին ընդառաջ` ուսումնահայրենագիտական ընթերցողական նախագիծ։ Այցելում ենք 30 ամրոց` «30-ամյակին՝ 30 ամրոց »կարգախոսով:

Նպատակը՝ Բաց նախագիծ հանրապետության բոլոր դպրոցների և կրթահամալիրի բոլոր օղակների համար: Նախագծի նպատակն է ուսումնասիրել հայկական ամրոցը՝ որպես պաշտպանական կառույց, ճանաչել մեր հայկական ամրոցները՝ որպես պատմամշակութային կոթողներ, պատմությունը և պատմական նշանակությունը, գտնվելու վայրը, կառուցողներին, ամրոցների անվանումների ստուգաբանությունը և այլն:

Գործունեություն՝

հայրենագիտական-ուսումնական արշավներ հին հայկական ամրոցներ
ուսումնական հունվար — այցելած կամ այցելվող ամրոցների լեգո հատակագծերի կազմում

Մասնակիցները 3-5 րոպեանոց տեղում տեսաֆիլմ են պատրաստում այցելած ամրոցի մասին:

Նախատեսված է տարատարիք սեբաստացիների և հանրապետության, նաև Արցախի սովորողների համար:

Հայրենագիտական ֆլեշմոբ՝ յուրաքանչյուր խումբ ներկայացնում է 3-5 րոպեանոց ֆիլմ իր այցելած, ուսումնասիրած, բնակավայրին մոտ գտնվող ամրոցի մասին:

Համագործակցում՝

Մարինե Ամիրջանյանի հետ։
Տեխնոլոգիայի ուսուցիչների հետ /ուսումնական հունվար՝ լեգո-բերդերի մակետների կառուցում/
Կրթահամալիրի բոլոր օղակների հետ

Տևողությունը — շուրջ տարի:

Արդյունքում — տեսահաղորդաշարի պատրաստում, հաշվետու նյութեր-պատումներ-ֆիլմեր-ֆոտոպատումներ:

Ի՞նչ է ամրոցը — Ամրոցը կամ բերդը բոլոր կողմերից պաշտպանված և պաշարման պայմաններում երկարատև պայքարի նպատակով ամրացված բնակավայր է։ Հնագույն ամրոցներն իրար հաջորդող կիսակլոր կամ ուղղանկյուն աշտարակներով և ամրացված մուտքերով աղյուսից, քարից ու այլ շինանյութերից կառուցված պաշտպանական շրջապարիսպներ էին, որոնց ներսում սովորաբար կառուցվում էր միջնաբերդը։

Հայկական ամրոցներ — Հայկական հնադարյան ամրոցները սովորաբար կառուցվել են դժվարամատույց և բարձրադիր տեղանքներում, շրջափակվել աշտարակավոր կամ բրգաձև պարիսպներով, պատնեշվել հողաթմբերով ու ջրածածկ խրամներով։ Աշտարակները կամ բուրգերը բազմահարկ կառույցներ են։ Մ. թ. ա. IX–VI դարերում Վանի թագավորության քաղաքները միաժամանակ ամրոցներ էին՝ Տուշպա-Վանը, Արգիշտիխինիլի-Արմավիրը, Էրեբունի-Երևանը և այլն։ Անտիկ շրջանի ամրոցաշինության փայլուն օրինակներից է Գառնին։ Հայկական հզոր ամրոցներից են նաև Ամբերդը, Սմբատաբերդը, Ներքին Թալինը, Լամբրոնը և այլն։ Սահմանապահ ամրոցներում սովորաբար, բացի կայազորից, այլ բնակիչներ չեն եղել։

Միջնադարյան Հայաստանում ամրոցները կառուցվել են ավատատիրական տների, դղյակների, ամրացված քաղաքների և վանքերի տեսքով։ Ամրոց-դղյակների թիվը Հայաստանում, այդ թվում՝ Կիլիկիայում (Այաս, Կոռիկոս, Չանդր, Լևոնբերդ և այլն), հասել է հազարների։

Առաջին տասը ամրոցների ցանկ՝