Բնագիտության դասավանդման բաղկացուցիչ մասն է հանդիսանում Կրթական պարտեզ նախագիծը: Կրթական պարտեզ կարող է հանդիսանալ կրթահամալիրի հարող թաղային բոլոր այգիները, պարտեզները, պուրակները, կրթահամալիրի մասնաշենքերի ներքին և արտաքին բակերը: Այսինքն այն տարածքները, որտեղ սովորողը կարող է ծավալել բնագիտական-բնապահպանական-կանաչապատման գործունեություն, շրջական աշխարհը դարձնելով էլ ավելի կանաչապատ և բարեկարգ:
2016-2017 ուսումնական տարում Կրթական պարտեզի նոր նախագիծ է լանջերի ճիմապատումը: Ազատվելով կրթահամալիրի բոլոր մասնաշենքերի ծանր մետաղյա ցանկապատերից, ստեղծեցինք լանջեր, իսկ հետո լանջերը ճիմապատեցինք: Հիմա ամենակարևոր փուլում ենք — ճիմապատված լանջերի խնամք:
Պարտիզպան սովորողի գործունեություն — պարտիզպան 4-5-րդ դասարանի սովորողներն ամեն բնագիտության դասաժամին համագործակցում ենք այգեպան վարպետ Կարոյի հետ, այսինքն յուրաքանչյուր բնագիտական դասընթացի ժամանակ 4-5 պարտիզպան-սովորողներ դուրս են գալիս դպրոցի արտաքին և ներքին բակեր՝ բարեկարգման աշխատանքներ կատարելու համար: Հատուկ պարտիզպան էջում և գնահատման մատյանում գրանցվում է յուրաքանչյուր սովորողի պարտիզպանական գործուենությունը:
Ժամանակահատվածը — կրթահամալիրի գործունեության զուգընթաց
Նպատակը՝
- սովորողի բնապահպանական հմտությունները զարգացնելը
- սովորող-պարտիզպան ունենալը
- դպրոցի արտաքին և ներքին բակերի խնամք, բարեկարգում
Արդյունքը՝
- բարեկարգ, կանաչապատ, խնամված շրջապատ
- պարտիզպան սովորող և ուսուցիչ
Աշնանային բաց մանկավարժական հավաքին Կրթական պարտեզ նախագծի շրջանակում, որպես նորամուտ Նոր Ռադիոն ունեցավ նոր Էկոլուր բաժին:
Իվետա Ջանազյան
Հայրենագետիկ-բնագետիկի բլոգ 