«Արևորդի» փառատոնի նպատակն է բարձրացնել բնապահպանական խնդիրների վերաբերյալ հանրության իրազեկվածության մակարդակը, ինչպես նաև խթանել Հայաստանի և Կովկասյան ամբողջ տարածաշրջանի բնապահպանական խնդիրների ստեղծարար լուծումները։
«Մխիթար Սեբաստացի» կրթահամալիրի նախագծային տարբեր խմբեր մասնակցում են հանրապետությունում իրականացվող տարբեր նախագծերի, մեր գործընկերներն են նաև «Արևորդի» միջազգային բնապահպանական փառատոնի կազմակերպիչները: Սեբաստացիները մի քանի տարի շարունակ ուսումնական գծով մասնակցում են «Արևորդի» միջազգային փառատոնին:
Մասնակիցները՝ կրթահամալիրի տարատարիք սովորողներ, բնագետներ, անգլերեն դասավանդողներ
Ժամանակահատված.
Նախապատրաստական աշխատանքներ՝ հոկտեմբերի 31-ից նոյեմբերի 4
Փառատոնի բացում՝ Նոյեմբերի 4
Փառատոնային օրեր՝ նոյեմբերի 4-8
Բնապահպանական ֆիլմերի միջոցով սովորողներին և դասավանդողներին ծանոթացնել բնապահպանական խնդրներին:
Բնապահպանական գիտելիքները սովորողները տանեն իրենց ընտանեկան դպրոցներ:
Բարձրացնել բնապահպանական խնդիրների վերաբերյալ հանրության իրազեկվածության մակարդակը կրթության միջոցով:
Խթանել Հայաստանի և Կովկասյան ամբողջ տարածաշրջանի բնապահպանական խնդիրների ստեղծարար լուծումները:
Ընթացք՝
Նոյեմբերի 4-8-ին՝ փառատոնային օրերին, դասաժամերին և ընտանեկան դպրոցներում կազմակերպել ֆիլմի դիտում-քննարկումներ, որոնց արդյունքները կարտացոլվեն սովորողների և դասավանդողների բլոգներում տեսանյութերի և վերլուծությունների միջոցով:
Մասնակցել «Արևորդի» միջազգային փառատոնի բացմանը:
Փառատոնի շրջանակում մասնակցել հանրօգուտ աշխատանքների և ծառատունկի:
Պատրաստել կավե բաժակներ՝ «Արևորդի» միջազգային բնապահպանական փառատոնին նվիրված, որոնց նկարչական լուծումները թողնել սովորողների երևակայությանը:
Իվետա Ջանազյան
Հայրենագետիկ-բնագետիկի բլոգ 